شرح تفعيل حساب بيبال للمصريين بفيزا البريد المصري

أولآ :: خطوات الحصول علي فيزا كل الناس من البريد المصري 

هتتجه لأقرب فرع بريد مصري ليك وتسالهم علي فيزا كل الناس وتتأكد أن هي الفيزا المطلوبة لأن في فيزا بـ 15 جنية مصري ديه مش هنحتاجها لانها مش هتقدي الغرض وملهاش علاقة بالتعامل الالكتروني أو حتي إستلام الاموال من Paypal.

الفيزا المطلوبة هي فيزا كل الناس من البريد المصري وديه ثمنها 30 جنية مصري ويوجد منها ثلاث أنواع :

• فيزا كل الناس للأسرة
• فيزا كل الناس للشباب
• فيزا كل الناس لرجال الاعمال 

# أنواع فيزا البريد المصري كل الناس :

الصراحة أنا جبت فيزا كل الناس لرجال الأعمال هي مش هتفرق في حاجة علي حد علمي كلهم زي بعض عادي الفكرة كلها في معدل السحب الشهري واليومي فخلينا في الكبيرة لعل وعسي تبقي يوماً ما من رواد الاعمال في العمل الحر وتكسب فلوس كتير والله وحده من يقسم الأرزاق لمن يشاء كيف يشاء .

  ثانيـآ :: خطوات تفعيل فيزا كل الناس من البريد المصري 

  تخش البريد المصري والعميل هياخد منك البطاقة ويكتب بياناتها فى دفتر وهياخد 30 جنية منك وهيقولك اتوجة لـ شباك رقم كذا وتروح على الشباك تديلوا الفيزا والبطاقة بتاعتك عشان يتسجل على الكمبيوتر وهيديلك رقم 0235315900 تتصل عليه ويفضل بعد الساعة 3 عصرا هترد عليك موظفة خدمة عملاء البريد المصري وهتطلب منها انك تفعل الفيزا هتطلب منك اسمك ورقم الفيزا وهتفعلها قبل ما تقفل وبكده البطاقة تم تنشيطها..

ثالثـآ :: كيفية ربط فيزا البريد المصري كل الناس بـ الـ Paypal ؟

عشان تربط الفيزا علي الـ Paypal هتروح تضيف فيها مبلغ مالي و هو 15 جنية فقط ولكن عشان من شروط البطاقة ان اقل ايداع هو 100 جنية ، فهنحط 100 جنية مرة واحدة , ولازم تشحن قبل ما تربطها بحسابك في Paypal لأنك لو مضفتهاش مش هيقبلوها وأنا حاولت فعلاً اعملك كدة يعني عن تجربه .

بعد شحن البطاقة بالـ 100 جنية ، افتح حسابك فى ال paypal واربط حسابك بالفيزا بتاعتك ، وهتلاقي بـ paypal بعتتلك رسالة فيها كود من 4 أرقام وتروح تتصل على الرقم 0235315900 تانى  وتقولهم اخر عملية انا دفعت 15 جنيه جنبها رقم 4 ارقام اعطوه لى ، وبمجرد ما تحط الكود هيتفعل حسابك وهتستطيع ارسال واستقبال اموال من كل الشركات فى العالم

ملحوظة هااامة :: ابقى اسحب من الشباك اللى  فى البريد بدل المكنة علشان توفر 9 جنيه  مصاريف السحب من مكنة ATM ودا افضل ليك طبعآ

:: طريقة الأستعلام عن رصيدك في فيزا البريد المصري كل الناس 

تقدر تستعلم عن رصيدك في باي بال Paypal عادي جداً عن طريق الاتصال علي رقم خدمة العملاء الخاص بالبريد المصري وغالباً بردو هو هو نفس الرقم الي أخذته لتفعيل الفيزا 0235315900 وتقدر تستعلم عنه علي مدار 24 ساعة عادي جداً

ويوجد ايضا شرح بالصور لطريقة التفعيل على الفوركس العربي .

في النهاية أنا كدة بفضل الله شرحتلكم كل حاجة ممكن تحتاجوها عن فيزا البريد المصري وأظن خلاص ملكمش حجة دلوقتي عشان تشتغلوا وتستلموا اموالكم